Erfitt er að meta hversu margir tóku þátt í Landsmóti UMFÍ. Við vitum að beinir þátttakendur í mótinu voru um tvö þúsund og þátttakendunum fylgdu fjölmargir. Þar fyrir utan kom mikill fjöldi fólks í bæinn.

 

Samkvæmt áætlunum lögreglu er því ekki óvarlegt að áætla að gestir hafi verið einhvers staðar á milli 10 og 15 þúsund manns. Það verður þó aldrei annað en ágiskun.

 

Gestir dreifðust að vonum um bæinn. Fjölmargir voru í keppendatjaldbúðunum á Rangárvöllum, einnig á tjaldsvæðum við Þórunnarstræti og á Hömrum, auk þess sem gistirými var meira og minna allt fullt. Þá er vitað um fjölda íbúða í bænum sem voru leigðar út í tengslum við mótið.

 

Aðsókin að öllum viðburðum sem Landsmótið stóð fyrir - hvort sem er keppni eða aðrir viðburðir - var afar góð og fór fram úr vonum mótshaldara. Þetta átti við um starfsíþróttirnar og fjölda annarra greina. Nefna má frjálsíþróttir, boltagreinar og svona mætti áfram telja. Ekki á hverjum degi sem um þúsund manns horfa á starfshlaup á landsmóti. Og heldur ekki á hverjum degi sem um þúsund manns fylgjast með frjálsíþróttakeppni hér á landi.